Sahibə Qafarova: “MSK ölkənin siyasi sistemində özünəməxsus yer tutur”
Milli Məclisin sədri Mərkəzi Seçki Komissiyasının (MSK) yeni tərkibdə keçirilən ilk iclasında çıxış edib.
Sfera.az xəbər verir ki, Sahibə Qafarova Milli Məclisdə həmin gün MSK-nın yeni tərkibinin formalaşdırıldığını xatırladıb.
Onun sözlərinə görə, Azərbaycanın demokratik inkişafında seçkilər və ümumxalq səsvermələri mühüm rol oynayır. O bildirib ki, seçkilərin qanunauyğun şəkildə hazırlanıb keçirilməsi vacib məsələdir və bu baxımdan MSK-nın üzərinə böyük məsuliyyət düşür.
Sahibə Qafarova qeyd edib ki, ötən dövrdə Komissiya üzərinə düşən vəzifələri layiqincə yerinə yetirib:
"Hesab edirəm ki, ötən dövrdə Komissiya üzərinə düşən işi layiqincə yerinə yetirib. Komissiya bu gün ölkəmizin siyasi sistemində özünəməxsus yer tutur".
O, MSK-nın fəaliyyətinin Milli Məclisdə müsbət qiymətləndirildiyini və deputatların Komissiyanın işindən razı qaldığını da diqqətə çatdırıb.
Firuzə Əliyeva
Sfera.az
