\"Ermənilərə o dərsi yenidən keçməyə hazırıq\"

"Cəbhə xəttində təxribatlar törətmək, Azərbaycan mövqelərinə məqsədli şəkildə hücumlar təşkil etmək, əldə edilmiş razılıqları pozmaq Ermənistana xas olan bir məsələdir".

Sfera.az xəbər verir ki, bunu Trend-ə Milli Məclisin deputatı Aydın Mirzəzadə deyib.

A.Mirzəzadə bildirib ki, son günlərdə cəbhə xəttində baş verən gərginlik ilk növbədə Ermənistanda qarşıdan gələn parlament seçkilərində əlavə siyasi dividendlər qazanmaq üçün nəzərdə tutulub:

"Amma Ermənistan yaddan çıxarır ki, bu gün onların qarşısında artıq ötən əsrin 90-cı illərinin Azərbaycanı deyil. Dövlətimiz iqtisadi baxımdan kifayət qədər güclənib, beynəlxalq birlikdə böyük nüfuza malikdir. Bundan başqa, bu gün Azərbaycan Ordusu ən müasir texnikalara malikdir. Son günlər cəbhə xəttində törətdiyi təxribatlar Ermənistana başucalığı gətirməyəcək. Bütün əməllərinə, tökdüyü qanlara görə Ermənistan cavab verməli olacaq".

Deputat qeyd edib ki, son hadisələr göstərir ki, Ermənistan rəhbərliyi ötən ilin aprel hadisələrindən heç bir nəticə çıxarmayıb: "Əgər belədirsə, biz o dərsi yenidən keçməyə hazırıq".