1a:T7f2,

“Vaşinqton görüşü Azərbaycan-Ermənistan münasibətlərində sülh müqaviləsinin imzalanması istiqamətində mühüm mərhələ olacaq”.

Sfera.az xəbər verir ki, bu barədə politoloq Məhəmməd Əsədullazadə açıqlama yayıb.

Politoloqun sözlərinə görə, artıq ikitərəfli danışıqlar müstəvisində davam edən proses kulminasiya nöqtəsinə yaxınlaşır. Əldə olunmuş razılaşmalar Cənubi Qafqazda Rusiyanın mövqeyini xeyli zəiflədəcək.

O bildirib ki, ABŞ regiona ayrı-ayrı dövlətlər şəklində deyil, ümumi Cənubi Qafqaz kontekstində yanaşır. Bu isə regionda ümumi təhlükəsizliyin təmin olunmasına yönəlmiş siyasətin tərkib hissəsidir:

“ABŞ Cənubi Qafqaz və Xəzər regionunda öz siyasi və iqtisadi maraqlarını inkişaf etdirməyə çalışmaqla yanaşı, Rusiyanın artan aqressiyasını da neytrallaşdırmaq niyyətindədir. Bunun üçün isə sülh müqaviləsinin imzalanması mühüm alətə çevriləcək”.

Ekspert qeyd edib ki, ABŞ hazırda beynəlxalq arenada kifayət qədər aktivləşib. Onun fikrincə, Azərbaycan və Ermənistan arasında Ağ Evdə ciddi siyasi sənədin imzalanması isə daha geniş geosiyasi təsirlər doğura bilər:

“Bu proses Rusiya-Ukrayna müharibəsində atəşkəsin əldə olunmasına da dolayısı ilə müsbət təsir edə bilər. Eyni zamanda, ABŞ-nin Rusiyaya qarşı təzyiqləri daha da artacaq. Əgər memorandumda Minsk qrupunun ləğvi ilə bağlı müddəa yer alarsa, bu, münaqişənin beynəlxalq vasitəçilik müstəvisində yeni mərhələyə keçməsi demək olacaq".

Bəsti Rəfizadə
Sfera.az

4:[["$

Bu razılaşma Cənubi Qafqazda Rusiyanın mövqeyini zəiflədəcək - Politoloq