ABŞ-də Azərbaycanla Ermənistan hansı bəyanatla çıxış edəcək?

ABŞ-də baş tutacaq üçtərəfli görüşdən sonra tərəflərin birgə bəyanatla çıxış edəcəyi bildirilir.

Maraqlıdır, bu bəyanatda nələr nəzərdə tutula bilər?

Bununla bağlı Sfera.az-a açıqlama verən politoloq Züriyə Qarayeva bildirib ki, ABŞ-də keçiriləcək üçtərəfli görüşdən sonra yayılacaq birgə bəyanatın əsas məzmunu tərəflərin mövcud əməkdaşlıq gündəliyini və gələcək hədəflərini əhatə edə bilər?

“Bəyanatda ilk növbədə qarşılıqlı hörmət və konstruktiv dialoqun davam etdirilməsi barədə razılıqlar yer ala bilər. Regionda sülhün və sabitliyin təmin olunması, ərazi bütövlüyünə və suverenliyə hörmət prinsiplərinin vurğulanması ehtimal olunur”.

Politoloq bundan əlavə, iqtisadi, enerji və nəqliyyat sahələrində birgə layihələrin dəstəklənməsi, təhlükəsizlik sahəsində əməkdaşlıq, terrorizm və transmilli cinayətkarlıqla mübarizəyə dair birgə addımların planlaşdırılması kimi bəndlərin də daxil edilə biləcəyindən bəhs edib.

O qeyd edib ki, humanitar məsələlər, mədəni əlaqələrin inkişafı və gələcək görüşlərin keçirilməsi barədə razılaşmalar da bəyanatın əsas hissəsini təşkil edə bilər.

Fidan Hacızadə

Sfera.az