Moskva Bakı ilə gərginliyin uzanmasını istəmir - Rusiya XİN

Rusiya Bakı ilə münasibətlərdə yaşanan çətin mərhələnin uzun çəkməsini istəmir və bu gərginliyin aradan qaldırılması üçün konkret addımların atılmasına ümid edir. 

 

Sfera.az “İnterfaks”a istinadən xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova brifinq zamanı danışıb.

 

“Hazırda Azərbaycanla ikitərəfli münasibətlər, yumşaq desək, çətin mərhələdədir. Rusiya bunun uzanmamasını təmin etmək əzmindədir. Biz tezliklə normallaşmaya ümid edirik. Bu yolda mühüm addım Azərbaycan hakimiyyəti tərəfindən saxlanılan Rusiya vətəndaşlarının azad edilməsi olacaq”, – deyə Zaxarova bildirib.

 

Fidan Hacızadə
Sfera.az