"Ermənistan Avropa Birliyinə üzv olmaq istəyir".

Sfera.az “İnterfaks”a istinadən xəbər verir ki, bunu ölkənin baş naziri Nikol Paşinyan mətbuat konfransında deyib:

"Avropalı həmkarlarımız soruşurlar: Ermənistanda Avropa İttifaqına qoşulma prosesinin başlanması ilə bağlı qəbul edilmiş qanun Ermənistanın Avropa İttifaqına üzv olmaq istədiyini ifadə edirmi ? Cavab bəli, Ermənistan Aİ-yə üzv olmaq istəyir".

Paşinyan qeyd edib ki, görüşlər və müzakirələr zamanı Ermənistan və Avropa tərəfləri bunu “çətin proses” kimi qiymətləndiriblər.

"Avropa Birliyinin bütün üzvləri razı olmalıdır və ölkə də Aİ standartlarına uyğun olmalıdır",- deyə baş nazir yekunlaşdırıb.

Xatırladaq ki, iyun ayında Paşinyan demişdi ki, Ermənistan Avrasiya İqtisadi İttifaqı (Aİİ) və Avropa İttifaqı arasında seçim etməli olacaq. O qeyd edib ki, bu qərar qəbul olunana qədər ölkə Aİ standartlarına uyğun demokratik islahatları davam etdirəcək.

İnci

"Ermənistan Aİ-yə üzv olmaq istəyir"- Paşinyan