"Ermənistan Azərbaycanla özəl şirkət yaradacaq" - Paşinyan
"Ermənistan Azərbaycanla sülh müqaviləsi çərçivəsində nəqliyyat kommunikasiyalarının və müxtəlif infrastruktur layihələrinin həyata keçirilməsi üçün özəl investisiya şirkətinin yaradılması imkanını nəzərdən keçirir".
Sfera.az xarici KİV-ə istinadən xəbər verir ki, bu barədə Ermənistanın baş naziri Nikol Paşinyan İrəvanda keçirdiyi mətbuat konfransında məlumat verib.
“‘Dünyanın kəsişməsi layihəsinin böyük gəlir potensialı və marağı olduğu üçün investisiya cəlb edəcək şirkətin yaradılması müzakirə olunur və biz bu investisiyaları müxtəlif mərhələlərdə birləşdirməliyik. Bu kontekstdə söhbət nəqliyyat marşrutlarının, qaz, enerji və elektrik infrastrukturunun yaradılmasından gedir. Bütün bunlar bir şirkət çərçivəsində həyata keçirilməlidir və idarə olunmalıdır. Biz başa düşməliyik ki, bu şirkət Ermənistanın mülkiyyətində olmalıdır”, – deyə Paşinyan vurğulayıb.
O qeyd edib ki, sözügedən təşəbbüs Azərbaycanla sülh müqaviləsi çərçivəsində nəqliyyat dəhlizinə nəzarətlə bağlı müzakirələrin tərkib hissəsidir.
Fidan Hacızadə
Sfera.az
