"Trampın Azərbaycana diqqəti təsadüfi deyil"
ABŞ- Azərbaycan əlaqələrində yeni dinamika müşahidə olunur. Rəsmi Bakı ABŞ ilə siyasi əlaqələrini ümumi Cənubi Qafqaz kontekstdə qurur. ABŞ-nin regiona gəlməsi Rusiyanın region ölkələrinə təsirini zəiflədir. ABŞ regionla Türkiyə ilə birgə kordinasiyalı siyasətini davam etdirir.
Maraqlıdır, bu əlaqələrin inkişafının pərdəarxası məqamı nələrdir?
Sfera.az xəbər verir ki, mövzu ilə bağlı açıqlamasında siyasi şərhçi Məhəmməd Əsədullazadə ABŞ-nin Azərbaycanla Ermənistan arasında sülhün qısa bir müddətdə bağlanmasında maraqlı olduğunu deyib.
Onun sözlərinə görə, Tramp Ağ Evdə NATO baş katibi ilə mətbuata açıqlamasında Azərbaycan və Ermənistan arasında tezliklə sülh müqaviləsinin bağlanmasına diqqət çəkib:
“Həmçinin, bundan əvvəl dövlət katibi Rubio eyni mövqedən çıxış etmişdi. Ötən gün ABŞ-nin BMT-dəki daimi nümayəndəsi vəzifəsinə namizəd Mayk Uolts Senatın Xarici Əlaqələr Komitəsində keçirilən dinləmələrdə Azərbaycan və Ermənistanın "İbrahim sazişinə" qoşulmasını vurğulayıb. Həmçinin, Vaşinqtonun "Zəngəzur" dəhlizinə nəzarət etmək planını proseslərin kuliminasiya nöqtəsidir”.
M.Əsədullazadə qeyd edib ki, ABŞ-nin Cənubi Qafqaz regionuna diqqətin artması əsasən, Azərbaycanın siyasi səylərinin fəaliyyətidir:
“Bir neçə ay bundan əvvəl, prezidentin köməkçisi Hikmət Hacıyevin İsrailə səfəri və bu prosesdə İsrailin Azərbaycana bu müstəvidə dəstəyi istisna deyil. Tramp administrasiyasının Cənubi Qafqaz və Azərbaycan siyasətinin formalaşdırılmasında İsrailin dəstəyi istisna deyil. Təbii ki, Tramp və komandasının regiona diqqəti və Azərbaycana marağı təsadüfi sayılmır.
ABŞ prezidenti daha çox Rusiya -Ukrayna müharibəsinə və İsrail-İran məsələlərinə kilidlənmişdi. Prezident İlham Əliyev geosiyasi prosesləri düzgün qiymətləndirərək, ABŞ-nin regiona diqqətini artırmaqla Rusiya və İranı neytrallaşdırır”.
Siyasi şərhçi sonda vurğulayıb ki, ABŞ-Azərbaycan əlaqələrinin inkişafı regionda sülhün təmin edilməsində mühüm töhfələr verəcək.
Firuzə Əliyeva
Sfera.az
