"İranın nüvə proqramının bütün əsas komponentlərinin inkişafı ABŞ və İsrailin İrana hücumundan sonra əhəmiyyətli dərəcədə ləngiyib, yüksək zənginləşdirilmiş uran ehtiyatlarının dəqiq yeri isə sual altındadır".

Sfera.az “Reuters”ə istinadən xəbər verir ki, bunu Fransanın Xarici Təhlükəsizlik Baş Direktorluğunun (DGSE) rəhbəri Nikolas Lerner deyib.

Fransa kəşfiyyatının rəhbərinin sözlərinə görə, bu uranın istehsal mərhələlərin hər biri son hücumlar nəticəsində çox ciddi zədələnib.

“Bizim bildiyimiz kimi proqram ən azı bir neçə ay təxirə salınıb”,- Lerner qeyd edib.

Bununla belə, o, aydınlaşdırıb ki, zərbələr zamanı yüksək zənginləşdirilmiş uran ehtiyatının yalnız kiçik bir hissəsi məhv edilib, yanacağın qalan hissəsi isə İran hakimiyyətinin nəzarəti altında qalmaqda davam edir.

"Bu gün bizdə onun harada ola biləcəyi ilə bağlı dəqiq məlumat var, lakin MAQATE regionda işini bərpa etməyənə qədər tam əminlik yoxdur. MAQATE-siz bu ehtiyatları izləmək üçün heç bir yolumuz yoxdur", - Lerner vurğulayıb.

Bundan əvvəl digər kəşfiyyat qiymətləndirmələri də göstərmişdi ki, İran zənginləşdirilmiş uran ehtiyatının bir hissəsini gizlədə bilər və hasilatı bərpa etmək üçün texniki imkanlarını özündə saxlayır.

"Bu, Fransanın nüvə böhranının diplomatik həllini tapmaqda niyə bu qədər maraqlı olduğunu izah edir", - DGSE rəhbəri əlavə edib və Tehranın proqram üzərində gizli rejimdə, lakin daha az potensialla işləməyə davam edə biləcəyi riskini qeyd edib.

Firuzə Əliyeva
Sfera.az

"Onun harada ola biləcəyi ilə bağlı məlumatımız var"