Kallasdan Ermənistana: "Tərəfdaşlığımızı dərinləşdirmək istəyinizi alqışlayırıq"

“Siyasi birlik İrəvanın tərəfdaşlığı dərinləşdirmək niyyətini alqışlayır”. 

Sfera.az “Gazeta.ru” nəşrinə istinadən xəbər verir ki, bu sözləri Avropa diplomatiyasının rəhbəri Kaja Kallas Ermənistanın Avropa İttifaqına (Aİ) üzv olmaq istəyi ilə bağlı qanun qəbul etməsini şərh edərkən bildirib.

Lakin Kallas Ermənistanın Aİ-yə üzvlüyü perspektivləri barədə konkret açıqlama verməyib.

“Biz sizin tərəfdaşlığımızı dərinləşdirmək istəyinizi alqışlayırıq”,– deyə o, Ermənistanın xarici işlər naziri Ararat Mirzoyan ilə danışıqlardan sonra vurğulayıb.

Qeyd edək ki, aprelin əvvəlində Ermənistan Prezidenti Vaaqn Xaçaturyan ölkənin Avropa İttifaqına “qoşulması prosesinin başlanması” haqqında qanunu imzalayıb. Sənəddə yalnız bir cümlə yer alır və Ermənistanın keçmiş xarici işlər nazirinin müavini Paruyr Hovhannisyanın sözlərinə görə, bu addım hələ ki, Aİ-yə rəsmi üzvlük müraciəti demək deyil. Bununla belə, İrəvan ümid edir ki, qanun ölkənin “suverenliyinin və sabitliyinin möhkəmlənməsinə töhfə verəcək”.

Fidan Hacızadə
Sfera.az