Rusiya iyul ayında bu əraziləri ələ keçirib
ABŞ mərkəzli Müharibə Araşdırmaları İnstitutunun məlumatına görə, Rusiya 2025-ci ilin iyun ayında Ukraynada 588 kvadratkilometrlik əraziyə nəzarəti ələ keçirib. Bu, son 7 ayda qeydə alınan ən böyük irəliləyişdir.
Ən böyük qazanclar Donetsk vilayətində olub – Rusiya artıq bölgənin 75%-nə nəzarət edir.
Sfera.az “Hürriyet”ə istinadən xəbər verir ki, Rusiyanın digər cəbhələrdə də irəliləyişləri var. Şərqi Dnepropetrovsk vilayətində 8, Sumı vilayətində isə iyun ayında 130 kv.km ərazi ələ keçirilib.
FSB Ukraynanın Donetskdə yerləşən bir sığınacaqda kimyəvi maddələr və silah anbarı aşkar etdiyini açıqlayıb. Qurum, Ukraynanın kloropikrin tərkibli maddələri PUA-larla Rusiya ərazisinə göndərməyə hazırlaşdığını iddia edib. Rusiya rəsmiləri bunu “müharibə şəraitində terror aktı” kimi qiymətləndirib.
Son bir ildə Rusiya Ukraynada ümumilikdə 5500 kv.km ərazi qazanıb. İyun ayında Rusiyanın Ukraynaya qarşı PUA hücumlarının sayı 5438-ə çataraq yeni rekord müəyyən edib. Hazırda Rusiya Ukrayna ərazilərinin təxminən 19%-nə tam və ya qismən nəzarət edir.
Bəsti Rəfizadə
Sfera.az
