Türkiyə turizmində xaos - 4000 otel bağlandı

Türkiyədə yay mövsümü turizm sektorunda böyük böhranla açılıb. Belə ki, Mədəniyyət və Turizm Nazirliyi “turizm əməliyyatı sertifikatı” olmayan 4000-dən çox oteli möhürləyib.

Sfera.az bu barədə Türkiyə mediasına istinadən xəbər verir.

Məlumata görə, 2021-ci ildə qüvvəyə minən qanuni tənzimləmə ilə bütün obyektlərin turizm əməliyyatı sertifikatı alması tələb olunur. Hətta bələdiyyədən lisenziya almış obyektlər də nazirliyin icazəsi olmadan möhürlənməyə başlayıb. Lakin Nazirlikdə kadr çatışmazlığı səbəbindən sənədin alınması prosesi əngəllənir. Yüzlərlə otel yoxlamaları gözləyərkən mövsümü qaçırıb. 

Beynəlxalq investisiya mütəxəssisi və hüquqşünas Abide Gülel Saral bildirib ki, hər bağlanan otel işsizlik və valyuta itkisi deməkdir. Turizmin iqtisadi böhranı yüngülləşdirmək ümidi tamamilə çöküb.

Konstitusiya Məhkəməsi 2024-cü il oktyabrın 17-də sənəd tələbini ləğv edib və qanuna dəyişiklik etmək üçün Nazirliyə 9 ay vaxt verib.

Bodrum Peşəkar Otel Müdirləri Dərnəyinin (BOYD) fəxri sədri Serdar Karcılıoğlunun sözlərinə görə, 4 min oteldən yalnız 200-ü sertifikat ala bilir. Qalanları isə ya qeyri-qanuni olaraq açılacaq.

Keçən ilki pis mövsümdən sonra bu yayın daha da pis keçəcəyini ifadə edən Karcılıoğlu çağırışı edib ki, , dərhal ortaq bir həll masası qurulmalıdır.
 

Qeyd edilib ki, möhürlənmiş otellər qanuni olaraq qonaqların pulunu qaytarmağa borclu deyillər. Turizm əməliyyatı sertifikatı olmayan otellər agentlik platformalarında qeyd edilmir. Agentliklərlə edilən sifarişlər üçün müştəri ekvivalent obyektdə yerləşdirilməlidir. Lakin otelin öz internet saytı və ya zəng mərkəzi vasitəsilə rezervasiya edənlər sənədin etibarlılığını yazılı şəkildə təsdiq etməlidirlər. 

Firuzə Əliyeva
Sfera.az