1a:T7e8,

ABŞ Prezidenti Donald Tramp bildirib ki, Putin Ukrayna ilə olan müharibəni bitirmək istəmir.

Bəzi analitiklərin fikrincə, ABŞ bu xüsusda Rusiyaya yaxşı təklif irəli sürsə də, Moskva bunu məqbul hesab etmir.

Bəs Rusiya nəyə nail olsa, müharibəni dayandıracaq?

Mövzu ilə bağlı Sfera.az-a açıqlama verən politoloq Məhəmməd Əsədullazadə bildirib ki, Rusiya-Ukrayna müharibəsində Trampın vasitəçilik missiyasını görürük, amma onun da sülh planında Krımın Rusiyaya de-yure verilməsi, 4 regionun Rusiya tərəfindən de-fakto tanınması var.

Onun sözlərinə görə, nə Avropa dövlətləri, nə də Ukrayna bunu qəbul edir:

“Vatikanda görüşdən sonra Tramp Zelenskinin Krımı Rusiyanın ərazisi kimi tanınmasına razı olduğunu deyib. O bir neçə gün sonra bu istiqamətdə fikrini dəyişə də bilər. Tramp Rusiyanın müharibənin davam etdirməsini, Kiyev və Xarkovu ballestik raketlərlə vurmasına etiraz edərək bu barədə bəyanat da verib. Artıq ABŞ görür ki, Rusiya dayanmaq istəmir. Rusiyanın istəyi Ukraynanı tamamilə almaq, həmçinin ABŞ və NATO-nun 1997-ci il sərhədlərindən çəkilməsi şərtilə Avropanı götürmək, Rusiyanın fövqəldövlət kimi tanınmasına nail olmaqdan ibarətdir. Rusiyanın əsas məqsədi budur. Bunlar baş verərsə, Rusiya dayana bilər”.

Politoloq qeyd edib ki, əgər ABŞ Ukraynaya ciddi şəkildə hərbi yardımlar edərsə, həmçinin cəbhədə Ukrayna üstünlük ələ alarsa, Rusiya danışıq və güzəştlərə gedə bilər. Hazırkı vəziyyətdə isə Rusiya güzəştə getməkdən daha çox ABŞ-dən güzəşt tələb edəcək.

Firuzə Əliyeva

4:[["$","script"

Tramp da "uduzdu" - Putin nə istəyir?