Ermənistan Baş naziri referendum kampaniyası aparır.

Sfera.az xəbər verir ki, bunu siyasi ekspert Məhəmməd Əsədullazadə deyib.

Belə ki, Ermənistan Baş naziri Nikol Paşinyan Ermənistan Konustitusiyasının xalqın iradəsini əks etdirmədiyini qeyd edib.

Ekspertin sözlərinə görə, Paşinyan qüvvədə olan konstitusiyanın sülhə deyil, yalnız qonşularına qarşı ərazi iddialarını özündə ehtiva edən ali bir hüquqi sənəd olduğunu etiraf etmiş oldu:

“Konustitusiya xalqın sülh çağırışlarının üstündən xətt çəkir, "Böyük Ermənistan" mifi ilə 30 il ərzində ölkəni forpost vəziyyətində saxlayır. N.Paşinyan hazırkı konstitusiyanın revanşistlər tərəfindən yazıldığını və xalqın sülh istəklərini özündə əks etdirmədiyini xalqa çatdırır. Onun regionlara səfərlərində "Real Ermənistan" planını təbliğ etməsi, "tarixi Ermənistan" imtina, qonşularla sülh və hazırkı konustitusiyanı tənqid etməsi, bir növ referenduma hazırlıq kampaniyasıdır”.

M.Əsədullazadə qeyd edib ki, Ermənistan Konstitusiyanın dəyişməsi 2026-cil seçkilərdən əvvəl baş tutarsa, sülh müqaviləsi bağlana bilər.

“Gümrü şəhərinin müxalifətdən seçilən meri Ermənistanın Rusiyaya ilə inteqrasiya və əməkdaşlığın inkişaf etdirmək barədə bəyanat verib. O, Ermənistanın yalnız Rusiya ilə birgə təhlükəsizliyinin təmin edilməsinin vacibliyini vurğulayıb. 2026-ci il seçkilərinə baş nazirliyə namizəd olduğunu açıqlayıb. Müxalifətin Ermənistanın ikinci şəhərində mer seçilməsi, özlərinə inamı artırıb. Rusiyanın da müxalifətə ciddi dəstək verəcəyi gözlənilir”,-siyasi şərhçi əlavə edib.

Firuzə Əliyeva

"Ermənistanda konstitusiya 2026-cı ildən əvvəl dəyişərsə..."- AÇIQLAMA