Bakı və Tehran təhlükəsizlik məsələlərini müzakirə etdi


Bakı və Tehran təhlükəsizlik məsələlərini müzakirə etdi

Azərbaycanın xarici işlər naziri Ceyhun Bayramov İran Prezidentinin siyasi məsələlər üzrə müşaviri Mehdi Sənayi ilə görüşüb.

 

Bu barədə Sfera.az-a Xarici İşlər Nazirliyindən məlumat verilib.

 

Bildirilib ki, görüş zamanı Azərbaycan və İran arasında mövcud ikitərəfli və çoxtərəfli əməkdaşlıq gündəliyinin müxtəlif aspektləri, habelə regional və beynəlxalq təhlükəsizlik məsələləri müzakirə olunub.

 

Azərbaycan-İran münasibətlərinin inkişafında qarşılıqlı səfərlər və təmasların, o cümlədən mövcud siyasi dialoqun vacibliyi vurğulanıb, ümumi maraq kəsb edən məsələlərin müzakirəsinin əməkdaşlığın genişləndirilməsinə töhfə verdiyi qeyd olunub.

 

İki ölkə arasında bir sıra, o cümlədən siyasi, iqtisadi, ticarət, enerji təhlükəsizliyi, nəqliyyat və kommunikasiyalar sahələri üzrə əməkdaşlığın perspektivlərini müzakirə edən tərəflər, xüsusilə Azərbaycan və İran tərəfindən birgə icra olunan bir sıra layihələrin regionumuzdan keçən nəqliyyat dəhlizlərinin inkişafında mühüm rol oynadığını qeyd ediblər.

 

Azərbaycan ilə İran arasında iqtisadi, ticarət və humanitar sahələr üzrə Dövlət Komissiyasının müvafiq sahələr üzrə mövcud əməkdaşlıq imkanlarının müzakirəsi baxımından əhəmiyyətli platforma olduğu diqqətə çatdırılıb.

 

Regional və beynəlxalq təşkilatlar, o cümlədən İslam Əməkdaşlıq Təşkilatı, İqtisadi Əməkdaşlıq Təşkilatı, Asiyada Qarşılıqlı Fəaliyyət və Etimad Tədbirləri üzrə Müşavirə (AQEM), D-8 çərçivəsində əməkdaşlığın daha da gücləndirilməsinin əhəmiyyəti qeyd olunub.

 

Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.


OXŞAR XƏBƏRLƏR

Bu müəllimlərin əmək funksiyasına xitam veriləcək

Attestasiya prosesi maksimum şəffaf və sahənin peşəkarlarından ibarət komissiyalar tərəfində aparılıb, eyni zamanda, müvafiq videoçəkilişlər qeydə alınıb. &n...

Tramp TikTok-un ABŞ-da fəaliyyətini daha 75 gün uzadıb

ABŞ Prezidenti Donald Tramp TikTok sosial şəbəkəsinin ABŞ-da fəaliyyətini daha 75 gün uzadıb.   Sfera.az xəbər verir ki, O, bu barədə “Truth So...

Arzu Rzayevə vəzifə verilib? - AÇIQLAMA

19:35   Azərbaycan Dövlət Akademik Musiqili Teatrına yeni direktor müavini təyin olunub.   Mədəniyyət Nazirliyindən Sfera.az-a verilən məl...

Tovuzda itkin düşən məktəbli: "Bir əmi gəlib məni götürdü, gecəni blokda qaldım"

"Məktəbdən piyada getdim. Sonra qaranlıq düşdü. Fəvvarələrdən döndüm. Sonra bir əmi gəldi, məni götürdü Gəncəyə getdik. Orada əmi izimi itirsin deyə qaçdım...

Əfqanıstanda dünyanın ən yaşlı adamı aşkarlandı

Taliban əfqan kişinin 140 yaşında olması iddiasını araşdırır Bu məlumat təsdiqlənərsə, o, Yer kürəsində yaşamış ən yaşlı insan olacaq.   Sfera.az bildi...

Nazirlikdən attestasiyadan keçə bilməyən müəllimlərə SEVİNDİRİCİ XƏBƏR

Attestasiyadan keçə bilməyən müəllimlərə iş imkanları yaradılacaq.   Mədəniyyət Nazirliyindən verilən məlumata görə, attestasiyadan keçə bilməyən 37 ...