"BMT təhlükəsizlik zəmanəti ola bilməz" - Zelenski

Ukrayna Prezidenti Volodimir Zelenski Kiyevdə rəsmi səfərdə olan Çexiya Prezidenti Petr Pavel ilə görüşüb. 

Sfera.az xarici mediaya istinadən xəbər verir ki, ikitərəfli danışıqlardan sonra liderlər birgə mətbuat konfransı keçiriblər.

Zelenski çıxışında Rusiyaya qarşı davam edən müharibə ilə bağlı müvəqqəti atəşkəsin tətbiqinə dair işlərin davam etdiyini bildirib. O, bu istiqamətdə 24 martda ABŞ və Ukrayna nümayəndə heyətlərinin görüş keçirəcəyini açıqlayıb. Zelenskinin sözlərinə görə, görüşdə Ukrayna müdafiə naziri Rüstem Umerov və texniki məsələləri müzakirə edə biləcək digər səlahiyyətli şəxslər iştirak edəcək.

BMT-nin Ukraynanı müharibədən qoruya bilmədiyini vurğulayan Zelenski qeyd edib ki:“Biz BMT-ni hərbi müdaxilənin və ya təhlükəsizlik zəmanətlərinin alternativi kimi görmürük. BMT rəsmiləri və Baş katibi ilə münasibətlərimiz məntiqli və normaldır, lakin BMT təhlükəsizlik zəmanətlərinin alternativi ola bilməz”.

Fidan Hacızadə