Sülh müqaviləsi üçün Ermənistan bunları etməlidir - Politoloq
"Azərbaycanla Ermənistan arasında sülh müqaviləsinin imzalanması üçün Yerevanın Konustitusiya dəyişikliyi mütləqdir".
Sfera.az xəbər verir ki, bu sözləri siyasi ekspert Məhəmməd Əsədullazadə deyib.
O qeyd edib ki, Zəngəzur dəhlizinin açılması və Konustitusiya dəyişikliyi sülh müqaviləsinin mətnində yoxdur:
"17 bəndlik Sülh müqaviləsinin mətni çap edilməlidir. Ermənistan Azərbaycanın şərtlərini qəbul edib. Amma üç şərti sülh müqaviləsindən sonraya saxlayıb. Birinci, konustitusiya dəyişikliyini, ikincisi, ATƏT-in Minsk qrupunun buraxılması barədə birgə bəyanatı, üçüncüsü, Zəngəzur dəhlizinin açılması məsələləri hələ öz həllini tapmayıb.
Ermənistan parlamentində komissiya yaradılıb və yəqin ki, bu ölkənin Azərbaycana qarşı ərazi iddiaları qanunvericilik bazasından çıxarılacaq".
Politoloqun sözlərinə görə, sülh müqaviləsinin sərhəddə bağlanması daha məqbuldur:
"Rusiya təklif edir ki, sülh müqaviləsi Moskvada bağlansın. Mənim fikrimcə, Rusiyanı prosesə buraxmaq olmaz. Azərbaycan və Ermənistan Moskvada sülh müqaviləsi bağlamamalıdır.
Paşinyan Türkiyəyə yaxınlaşmağa çalışır. Türkiyə məhz Ermənistanın müstəqilliyinin qarantı ola bilər. Rusiya və Qərb Ermənistandan regionda yalnız öz satalleti kimi istifadə edir.
Ermənistan qanunvericilik bazasında dəyişikliyə gedərsə, bu il yekun sülh müqaviləsi mümkündür".
Firuzə Əliyeva
