Netanyahu HƏMAS-ı hədələdi, Trampa təşəkkür etdi

İsrail Baş naziri Benyamin Netanyahu HƏMAS-ı hədələyib. 

Sfera.az Haber Global-a istinadən xəbər verir ki, o, Qəzzada atəşkəs və əsir mübadiləsi razılaşmasının birinci mərhələsinin başa çatmasından sonra HƏMAS-ın irəli sürülən şərtləri qəbul etməməsi və israilli əsirləri təhvil verməməsi ilə bağlı İsrailin addım atacağını deyib.

İsrail Baş naziri Benyamin Netanyahu, "X" hesabında paylaşım edərək ABŞ Prezidenti Donald Trampa təşəkkür edib və “İsrailin Ağ Evdə ən böyük dostu prezident Tramp, bu dostluğu hər gün göstərir” deyib. Netanyahu, Trampın Qəzza zolağındakı fələstinliləri yerindən etmə planı və İsrailin istədiyi silahları göndərərək bu dostluğu açıq şəkildə göstərdiyini söyləyib.O, həmçinin Trampın İsraillə İranla mübarizədə “işi bitirmək” üçün silah göndərdiyini və HƏMAS-a əsirləri buraxması üçün təzyiq göstərdiyini iddia edib.

Netanyahu Trampın Orta Şərq üzrə Xüsusi Nümayəndəsi Stiv Vitkofun  “müvəqqəti atəşkəsi 50 gün uzatma” planını müdafiə edib. Bu plana əsasən, Qəzza zolağında qalan israilli əsirlərin yarısı dərhal sərbəst buraxılacaq, qalan yarısı isə daimi atəşkəs razılığı əldə olarsa buraxılacaq. 

Netanyahu, HƏMAS-ın “daimi atəşkəs üçün qəbul edilməyəcək təkliflər” təqdim etdiyini iddia edib. O, həmçinin İsrailin Qəzzəyə humanitar yardım göndərilməsini dayandırdığını və bu dəstəyin Qəzza xalqına çatmadığını vurğulayıb. Baş nazir  “HƏMAS əsirlərimizi saxlamağa davam edərsə, daha irəli addımlar atacağıq” deyərək Trampın İsraili bu məsələdə dəstəkləyəcəyini bildirib.

Fidan Hacızadə