ABŞ və Rusiya ordusunda gərginlik - Gələn ildən...
ABŞ və Rusiyada ordu və müdafiə strukturlarında ciddi gərginliklər müşahidə olunur.
Sfera.az bildirir ki, bu barədə Haber Global məlumat yayıb.
Kreml və Ağ Evə yaxın mənbələr bildirib ki, hər iki ölkədə yüksək rütbəli hərbçilərin səbəbsiz vəzifədən uzaqlaşdırılması bürokratik çevrələrdə narazılıq yaradıb.
Rusiyada Müdafiə Nazirliyində prezident Vladimir Putinə qarşı narazılığın qızışdırıldığı, ABŞ-də isə yüksək rütbəli hərbçilərin müdafiə naziri Pit Heqsetə qarşı büdcə mübarizəsinə hazırlaşdığı bildirilib.
Eyni zamanda, ABŞ-də generallar Konqres üzvlərindən nazirə qarşı tənqidi məktub yazmalarını istəyiblər. Onların 2026-cı il müdafiə büdcəsinin müzakirəsi zamanı Heqsetə açıq şəkildə etiraz edəcəkləri gözlənilir.
Rusiyada isə vəzifəsindən uzaqlaşdırılmış sabiq müdafiə naziri Sergey Şoyquya yaxın şəxslərin Müdafiə Nazirliyində və orduda nüfuzlu fiqurları Putin əleyhinə birləşdirməyə çalışdığı iddia edilib.
Fidan Hacızadə
