BMT Ukrayna ilə bağlı qətnaməyə səs verəcək

BMT Təhlükəsizlik Şurası fevralın 24-də ABŞ-nin Ukrayna ilə bağlı müzakirəyə çıxardığı neytral qətnamə layihəsinə səs verəcək.

Sfera.az bildirir ki, Birləşmiş Ştatlar ilk dəfə olaraq BMT Baş Assambleyasının Ukrayna üzrə anti-Rusiya qətnamə layihəsinin həmmüəllifi olmaqdan imtina edib və onun təklif etdiyi sənəddə Rusiyanın münaqişənin başlaması ilə bağlı ittihamları yoxdur. 

Mətndə, həmçinin Rusiya-Ukrayna münaqişəsində insanların faciəli ölümü ilə bağlı kədər ifadə olunur və onun tezliklə başa çatması tələb edilir. 

Əvvəlki məlumatlarda deyilirdi ki, Birləşmiş Ştatlar BMT Təhlükəsizlik Şurasına Ukrayna münaqişəsinin həlli ilə bağlı qətnamə layihəsini səsverməyə çıxarmağı təklif edə bilər ki, bu da Kiyev və Qərb ölkələrinin qətnamə layihəsi ilə müqayisədə daha neytraldır. 

Xatırladaq ki, ABŞ-nin qətnamə layihəsinin mətni fevralın 21-də Təhlükəsizlik Şurasına üzv ölkələrin nümayəndələrinə təhvil verilib.

Firuzə Əliyeva