Zelenski-Ərdoğan GÖRÜŞÜ: Ukrayna liderinin əsas məqsədi nədir? - AÇIQLAMA
Ukrayna Prezidenti Volodimir Zelenski rəsmi səfər çərçivəsində Türkiyəyə gedib. Donald Trampla Vladimir Putinin Səudiyyə Ərəbistanında baş tutması planlaşdırılan görüşü ərəfəsində Ukrayna liderinin Türkiyə səfəri ağıllara bəzi sualları gətirir.
Ər-Riyad görüşü öncəsi Zelenski Ərdoğandan nə istəyəcək və tərəflər nələri müzakirə edəcəklər?
Mövzu ilə bağlı Sfera.az-a danışan Siyasi və Hüquqi Araşdırmalar Mərkəzinin (SHAM) sədri Xəyal Bəşirov bildirib ki, Rusiya-Ukrayna müharibəsinin gedişatı ilə bağlı səfərlər və diplomatik görüşlər intensivləşib:
"Zelenskinin son zamanlar Səudiyyə Ərəbistanı və Türkiyəyə səfərləri ABŞ-nin Ukrayna ilə bağlı mövqeyinə təsir göstərməyi hədəfləyib.Donald Trampın atdığı addımlar və seçkiöncəsi verdiyi vədlər Ukrayna məsələsini bitirməyə yönəlib. Bu prosesdə Avropanı oyundan kənarlaşdırmaq istəyən Tramp ABŞ-nin təkcə Ukraynanın deyil, bütövlükdə Avropanın təhlükəsizliyinə təminat verdiyini qeyd edib. Avropa ABŞ olmadan nə Rusiyanın, nə də Çinin qarşısında durmaq iqtidarındadır. Zelenskinin məqsədi Trampın mövqeyinə təsir etmək üçün digər güclü müttəfiqlər tapmaq və ABŞ ilə olan münasibətləri daha da inkişaf etdirməkdir. Xüsusilə Trampın Ərdoğana olan rəğbətini nəzərə alaraq, Zelenski onun vasitəsilə ABŞ-yə təsir göstərməyi planlaşdırır".
Xəyal Bəşirov qeyd etdi ki, Zelenskinin səfərləri ABŞ-nin mövqeyini dəyişdirməyə ciddi təsir göstərməyəcək:
ABŞ Prezidenti, vitse-prezidenti Ceyms Devid Vens, müdafiə naziri Pit Heqset və digər rəsmi şəxslərlə birgə Ukrayna məsələsinə dair mövqeyini artıq bəlli edib.
Rusiya-Ukrayna müharibəsinin həlli ilə bağlı Trampın mövqeyi əvvəlcədən müəyyənləşib. ABŞ Rusiyaya sərf edən şərtlər altında Rusiya-Ukrayna məsələsini həll etməyə yönəlib”.
Ülkər Abdurahmanlı
