Lavrov: "Putinlə Trampın danışığı çoxunu mat qoydu"

Rusiyanın xarici işlər naziri Sergey Lavrov Rusiya və ABŞ prezidentləri Vladimir Putin və Donald Tramp arasında baş verən son telefon danışığından bəhs edərkən bunu "iki tərbiyəli və nəzakətli insanın söhbəti" adlandırıb.

Sfera.az xatırladır ki, sözügedən dialoq fevralın 12-də baş tutub. Kreml aydınlaşdırıb ki, Putin və Tramp Rusiya və ABŞ vətəndaşlarının mübadiləsi, eləcə də Ukrayna münaqişəsi ilə bağlı məsələləri müzakirə ediblər. Ağ Evin yeni rəhbəri də öz növbəsində söhbətin “yaxşı olduğunu” qeyd edib.

“Qərbdə Avropa İttifaqının liderləri də daxil, çoxu yaxşı tərbiyəli, nəzakətli insan arasında normal, elementar söhbət gedəndə mat qaldı”, - Lavrov bildirib.

Rusiya Xarici İşlər Nazirliyinin rəhbəri həmçinin qeyd edib ki, Putin və Tramp çoxlu sayda fikir ayrılıqlarını bir kənara qoymayıblar, amma başa düşürlər ki, siyasətin mahiyyəti dialoq və ümumi dil axtarışıdır.

İnci