Orban: Aİ Ukrayna danışıqlar masasında oturmağa layiq deyil
"Avropa Brüsselin səriştəsiz diplomatiyası və rəhbərliyi səbəbindən Ukrayna münaqişəsinin həlli üçün danışıqlar masası arxasında oturmağa layiq deyil”.
Sfera.az xəbər verir ki, bunu Macarıstanın Baş naziri Viktor Orban deyib .
Bundan əvvəl Fransa Xarici İşlər Nazirliyinin Avropa məsələləri üzrə naziri Benjamin Haddad bəyan etmişdi ki, avropalılar və ukraynalıların iştirakı olmadan Ukraynada uzunmüddətli sülhə nail olmaq mümkün olmayacaq .
Xatırladaq ki, fevralın 12-də Rusiya Prezidenti Vladimir Putin amerikalı həmkarı Donald Trampla telefon danışığı aparıb. İki lider arasında söhbət təxminən saat yarım davam edib.
Prezidentlər razılaşıblar ki, Ukraynadakı münaqişəyə son qoyulmalıdır. Putin qeyd edib ki, Ukraynada uzunmüddətli nizamlanmaya danışıqlar yolu ilə nail olmaq olar. Eyni zamanda, Rusiya lideri münaqişənin əsas səbəblərini aradan qaldırmağın tərəfdarı olduğunu bildirib və amerikalı həmkarının ABŞ və Rusiyanın birgə işləməsinin vaxtının yetişməsi tezisini dəstəkləyib. Bundan əlavə, Putin Trampı Moskvaya dəvət edib.
İnci
