Konstitusiyamızın 30 illiyi ilə bağlı yubiley medalı kimlərə təqdim oluna bilər?
Prezident İlham Əliyevin təsdiq etdiyi Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə bağlı tədbirlər planına əsasən “Azərbaycan Respublikası Konstitusiyasının 30 illiyi” yubiley medalı təsis ediləcək.
Maraqlıdır, sözügedən medal kimlərə verilə bilər?
Sfera.az bildirir ki, hazırda "Azərbaycan Respublikası Konstitusiyasının 30 illiyi" yubiley medalının artıq təsis olunduğu ilə bağlı rəsmi məlumat mövcud deyil.
Lakin, əvvəlki yubiley medallarının təltif qaydalarına əsasən, belə medallar adətən müvafiq sahədə xidmət göstərən və fərqlənən şəxslər, həmin sahənin inkişafında xüsusi xidmətləri olan və əlaqədar sahədə fəaliyyət göstərən veteranlar və əməkdaşlara verilir.
Buna əsaslanaraq, "Azərbaycan Respublikası Konstitusiyasının 30 illiyi" yubiley medalının da Konstitusiyanın tədqiqi, təbliği və tətbiqi sahəsində xüsusi xidmətləri olan şəxslərə təqdim ediləcəyi ehtimal olunur.
Firuzə Əliyeva
