Tramp Ukrayna müharibəsi ilə bağlı: "Böyük irəliləyiş əldə etmişik"
Ukrayna münaqişəsinin həllində böyük irəliləyiş əldə olunub.
Sfera.az xəbər verir ki, bu sözləri ABŞ Prezidenti Donald Tramp “Fox News”a müsahibəsində deyib.
“Son bir həftədə çox irəliləyiş əldə etdik. Biz məsələ ilə məşğul oluruq. Düşünürəm ki, nəsə olacaq”, - o bildirib.
O, yenidən Avropanın Ukraynaya Vaşinqtondan qat-qat az pul xərcləməsindən narazılığını bildirib.
“ABŞ təxminən 350 milyard dollar, Avropa isə 100 milyard dollar sərmayə qoyub. Keçmiş ABŞ Prezidenti Bayden bunun baş verməsinə icazə verməməli idi”, - Tramp bildirib.
O həmçinin NATO ölkələrinin hərbi xərclərinin azlığını tənqid edib:
“NATO ilə bağlı vəziyyət çox ədalətsiz idi və mən bunu 2017-ci ildə hakimiyyətə gəldikdən sonra ədalətlə həll etdim. Dedim ki, pul verməsələr, biz onları qorumayacağıq”.
Firuzə Əliyeva
