"Trampın hələ rəsmi bir planı yoxdur" - Zelenski

ABŞ Prezidenti Donald Trampın Ukraynada müharibəyə son qoymaq üçün hələlik “rəsmi” planı yoxdur.

Sfera.az xəbər verir ki, bu sözləri Ukrayna Prezidenti Volodimir Zelenski deyib.

“Müəyyən nəşrlərdə olanlar... əminəm ki, Trampın rəsmi planı deyil”, - Zelenski bildirib. 

Onun sözlərinə görə, Kiyevin müharibəni bitirmək planına dair düşüncəsi var və konkret şeylər hələ Trampın andiçmə mərasimindən əvvəl Amerika tərəfi ilə müzakirə olunub. O, rəsmi danışıqların başlanmasını və onların ilk nəticələrini gözləməyə çağırıb. Hətta ABŞ prezident seçkilərində qalib gəlməmişdən əvvəl Tramp Ağ Evdə olan kimi Rusiyanın Ukraynaya qarşı müharibəsini ən qısa zamanda dayandıracağına söz vermişdi. Yanvarın 20-də inauqurasiyadan əvvəl Trampın müşavirləri ona müxtəlif variantlar təklif ediblər. Onlardan birini sonradan ABŞ-nin yeni administrasiyasında Ukrayna üzrə xüsusi elçi olmuş Keyt Kelloq təqdim edib. Plan hazırkı cəbhə xətti boyunca hərbi əməliyyatların dondurulmasını, Moskva və Kiyevin sülh danışıqlarına girməyə məcbur edilməsini nəzərdə tutur.

Firuzə Əliyeva