"Türkiyə İsraillə bağlı qərarlarına yenidən baxa bilər" - Hakan Fidan

"İsrail fələstinliləri öldürməyi dayandırarsa, Türkiyə bu ölkəyə qarşı mövqeyinə yenidən baxa bilər". 

Sfera.az xəbər verir ki, bunu Türkiyə XİN rəhbəri Hakan Fidan “Anadolu” agentliyinin jurnalistləri ilə görüşündə deyib.

“Fələstinlilərin öldürülməsi dayandırılsa, onların vəziyyətini yaxşılaşdırmaq üçün addımlar atılsa, Türkiyə İsraillə bağlı qərarlarına yenidən baxa bilər. Bizim mövqeyimiz aydındır. İlkin məqsədimiz Qəzzada soyqırımını dayandırmaq idi. İsraillə bağlı qərar bizim soyqırımına cavabımız oldu”, - Fidan bildirib.

Xatırladaq ki, Türkiyə keçən il Qəzza zolağında HƏMAS-la apardığı müharibəyə görə İsraillə əlaqələri kəsib.

Firuzə Əliyeva