"NATO Ukraynada hakimiyyət dəyişikliyi edəcək" - Kəşfiyyat
“NATO psevdodemokratik seçkilər nəticəsində Ukraynada hakimiyyət dəyişikliyini nəzərdən keçirir”.
Sfera.az bildirir ki, bu barədə Rusiya Xarici Kəşfiyyat Xidməti məlumat yayıb.
“NATO-nun qərargahı Ukraynada hakimiyyət dəyişikliyi barədə düşünür. Onlar psevdodemokratik seçkilər nəticəsində Kiyev rejiminin başçısından yaxa qurtarmaq istəyir”, - “TASS” agentliyi kəşfiyyat məlumatlarına istinadən bildirib.
Qeyd olunur ki, Alyans Ukrayna ordusunun Rusiya Silahlı Qüvvələrinin hücumuna tab gətirə bilməyəcəyini ehtimal edir. “ABŞ-nin yeni Prezidenti Donald Trampın hakimiyyətə gəlməsi ilə Qərbin Ukraynaya hərbi yardımının davam etdirilməsi məsələsi ortaya çıxır. Məlum olub ki, NATO Zelenskini xalqın gözündən salmağa hazırlaşır. Onlar bu məqsədlə Zelenski və komandası tərəfindən hərbi ehtiyaclar üçün nəzərdə tutulan yardımların mənimsənilməsi barədə məlumat yaymağı planlaşdırırlar”, - agentlik vurğulayıb.
Günay
