Paşinyandan sülh müqaviləsi ilə bağlı AÇIQLAMA: "İlk dövlətlərarası sənədimiz var"
Ermənistanın Baş naziri Nikol Paşinyan bu gün keçirdiyi mətbuat konfransında sülh sazişi məsələsinə toxunub.
Sfera.az xəbər verir ki, o, hələlik görüşün tarixi ilə bağlı konkret razılaşma olmadığını deyib.
Paşinyan qeyd edib ki, sülh müqaviləsi ilə bağlı yeni heç nə yoxdur:
“Hər şey komissiyaların nizamnaməsində göstərildiyi kimi olacaq. Sənəd dərc olunub. Biz hazırıq və səmimiyyətlə deməliyəm ki, 2024-cü ildə delimitasiya prosesi, həqiqətən, çoxməzmunlu xarakter alıb. Azərbaycanla ilk dövlətlərarası sənədimiz var. Prinsipial əhəmiyyət kəsb edən bu sənədi ölkələr ratifikasiya edib. Artıq razılıq var ki, komissiyalar və tərəflər qarşıdakı dövrdə Ermənistan-Azərbaycan sərhədində Gürcüstan sərhədindən İran sərhədinə qədər demarkasiya işlərinə diqqət yetirəcəklər. Layihənin 17 bəndindən 15-i razılaşdırılıb. Delimitasiya komissiyalarının iclası ilə bağlı razılıq əldə edildikdən sonra bu barədə məlumat veriləcək”.
Firuzə Əliyeva
