"Aİ missiyası vasitəsilə daha iki il sülhə mane olacaq" - MÖVQE
Avropa İttifaqı (Aİ) Şurası artıq Ermənistandakı müşahidə missiyasının mandatını iki il - 19 fevral 2027-ci ilədək uzadıb. Bu barədə Aİ şurası məlumat yayıb. Qeyd olunub ki, missiyanın tərkibində Kanada da daxil olmaqla 25 ölkəni təmsil edən beynəlxalq və yerli heyətdən ibarət 200-dən çox əməkdaş yer alır.
Qarşıdakı iki ildə Cənubi Qafqazda vəziyyət necə olacaq?
Bununla bağlı Sfera.az-a açıqlama verən siyasi şərhçi Kənan Novruzov deyib ki, ümumiyyətlə, Aİ regional sülh və sabitlikdə maraqlı deyil:
“Aİ missiyası 2023-cü ildə Ermənistanda yerləşdirilib və müntəzəm olaraq genişlənir. Guya missiyanın məqsədi Ermənistanın sərhədyanı ərazilərində sabitliyi təşviq etmək, yerlərdə etimad yaratmaq və Ermənistanla Azərbaycan arasında münasibətlərin normallaşdırılması səyləri üçün əlverişli mühiti təmin etmək idi. Buna baxmayaraq, ötən müddət ərzində missiya konstruktiv davranışdan daha çox, kəşfiyyat- diversiya fəaliyyəti ilə məşğul oldu. Missiya 2023-cü ildən bəri regional sabitliyin təmin olunmasından daha çox, gərginliyə rəvac verib”.
Müsahibimiz qeyd etdi ki, Aİ regionla bağlı çirkin planlarından əl çəkməyib və missiyanın fəaliyyətinin uzadılması da belə düşünməyə əsas verir:
“Aİ gələcəkdə də bölgə ilə bağlı destruktiv mövqeyini davam etdirməkdə israrlıdır. Odur ki, Aİ missiyası vasitəsilə böyük ehtimalla qarşıdakı iki il ərzində regional sülhə mane olmaqda davam edəcək”.
Günay
