""Şimal axını" qaz kəmərləri sökülməlidir" -Andjey Duda
2022-ci ildə zədələnmiş “Şimal axını” qaz kəmərləri sökülməlidir.
Sfera.az xəbər verir ki, bunu Polşa Prezidenti Andjey Duda BBC-yə deyib.
"Mən yalnız ümid edə bilərəm ki, Avropa liderləri Rusiyanın Ukraynaya təcavüzündən dərs çıxaracaq və bu boru kəmərləri ilə qaz nəqlini heç vaxt bərpa etməyəcəklər", - Duda deyib .
Onun sözlərinə görə, boru kəmərləri Ukrayna, Polşa, Slovakiya və digər Mərkəzi Avropa ölkələri üçün böyük təhlükə yaradır:
“Bu, enerji baxımından, hərbi baxımdan təhlükədir, eyni zamanda böyük iqtisadi təhlükədir, çünki bu, Rusiyanın iqtisadi mənada Avropa üzərində hökmranlığı deməkdir”.
Qeyd edək ki, Rusiyanın “Şimal axını” və “Şimal axını 2” qaz kəmərləri 2022-ci il sentyabrın 26-da təxribat nəticəsində sıradan çıxıb. Dörd qaz kəmərindən yalnız biri salamat qalıb.
Rusiya Prezidenti Vladimir Putin iddia edib ki, təxribatı “anqlosakslar” təşkil edib, çünki onun fikrincə, onlar Avropanın enerji infrastrukturunun dağıdılmasından faydalanıblar. İsveç, Danimarka və Almaniya insidentin araşdırılmasına başlayıb, lakin ilk iki ölkə günahkarları müəyyən etməyib və istintaqı yekunlaşdırıb. Alman mətbuatı partlayışda Ukrayna vətəndaşlarının əli olduğunu və əməliyyatın Ukrayna Silahlı Qüvvələrinin (AFU) o vaxtkı baş komandanı Valeri Zalujnı tərəfindən planlaşdırıldığını yazıb.
Firuzə Əliyeva
