Tramp Baydenin bu sərəncamlarını LƏĞV EDƏCƏK
Donald Tramp prezidentliyə başladığı ilk gündə 100-ə yaxın sərəncam imzalamaq niyyətindədir.
Sfera.az xəbər verir ki, bu barədə ABŞ mətbuatı məlumat yayıb.
ABŞ mediası Trampın sözlərindən sitat gətirib: “Vəzifəyə gəldikdən sonra bir neçə saat ərzində mən onlarla fərman imzalayacağam, onların sayı yüzə yaxın olacaq”.
Tramp əlavə edib ki, sənədlər vəzifədən gedən ABŞ Prezidenti Co Baydenin etdiyi bir çox şeyi ləğv etmək məqsədi daşıyacaq.
Qeyd edək ki, daha əvvəl Tramp kampaniyasının baş iqtisadi müşaviri Stiven Mur demişdi ki, yeni dövlət başçısı vəzifəsinin ilk günündə 50-dən 100-ə qədər fərman imzalaya bilər, sonrakı həftələrdə isə daha çox fərman imzalanacaq. İqtisadçı hesab edir ki, sərəncamların əksəriyyəti enerji məsələlərinə həsr olunacaq. Beləliklə, Tramp Baydenin enerji istehsalına qadağalar və müəyyən ərazilərdə yeni neft və qaz yataqlarının işlənməsi, elektrik nəqliyyat vasitələrinin istifadəsi, təmiz enerjinin inkişafı üçün proqramların maliyyələşdirilməsi və ekoloji standartların sərtləşdirilməsi ilə bağlı sərəncamlarını ləğv edə bilər.
Firuzə Əliyeva
