Tacikistan seçkiləri müşahidə etmək üçün 26 ölkəyə dəvət göndərdi

Tacikistan 2025-ci il martın 2-də keçiriləcək parlament seçkilərini müşahidə etmək üçün 26 ölkəyə və beynəlxalq təşkilatlara dəvət göndərib.

Sfera.az xəbər verir ki, bunu ölkənin Seçki və Referendum üzrə Mərkəzi Komissiyasının üzvü Məxfirət Xidirzoda bildirib.

Onun sözlərinə görə, ölkədə "Xalq deputatlarının seçkisi - 2025" mobil tətbiqi yaradılıb və fəaliyyət göstərir.

Bundan əlavə, Seçki və Referendum üzrə Mərkəzi Komissiya hələ 2024-cü ilin dekabrında vahid ümumrespublika seçki dairəsi və birmandatlı dairə komissiyaları yaradıb, həmçinin parlament seçkiləri üçün 41 birmandatlı seçki dairəsi formalaşdırıb.