“ABŞ “Türk axını”nı da dayandırmaq istəyir” - Lavrov

Rusiyanın xarici işlər naziri Sergey Lavrov Ukrayna ordusu tərəfindən bu ilin yanvarın 11-də “Russkaya” kompressor stansiyasına hücum edilməsində ABŞ-nin razılığının olduğunu bildirib.

Sfera.az Rusiya mediasına istinadən xəbər verir ki, Lavrovun sözlərinə görə, rəsmi Vaşinqton Ukraynanı “Türk axını”nı dayandırmağa sövq edir:

“Məndə çox güclü əminlik var ki, Birləşmiş Ştatlar enerjidən başlayaraq heç bir sahədə heç bir rəqibə ehtiyac duymur. Buna görə də, burada düşünmədən enerji infrastrukturuna qarşı terror fəaliyyətinə yol verirlər. Ukraynalıları də buna təhrik edirlər. Məqsəd “Şimal axını”ndan sonra “Türk axını”nı da dayandırmaqdır”. 

Xatırladaq ki, Ukrayna yanvarın 11-də Krasnodar vilayətindəki “Russkaya” stansiyasına 9 pilotsuz uçuş aparatı vasitəsilə hücum edib. Rusiya Müdafiə Nazirliyi bildirib ki, bütün pilotsuz təyyarələr hava hücumundan müdafiə sistemi tərəfindən vurulub, lakin qəlpələrin düşməsi nəticəsində binaya və avadanlıqlara cüzi ziyan dəyib. Kreml hücumu enerji terroru adlandırıb.

Vasif

Sfera.az