Keçmiş nazirlər Starmeri TƏNQİD ETDİ: "Heç vaxt Kiyevə səfər etmədin"

“Britaniya savaş başa çatdıqdan sonra Ukraynaya sülhməramlılar qismində qoşun göndərməlidir”.

Sfera.az bildirir ki, bunu Krallığın keçmiş müdafiə nazirləri Qevin Uilyamson və Qrant Şapps bildiriblər.

“Britaniya qoşunlarının müharibədən sonrakı sülhməramlı qüvvələrdə iştirakı, şübhəsiz ki, müsbət addım olardı. Lakin bu, Ukraynanın həqiqətən ehtiyac duyduğu şeyin yalnız kiçik bir hissəsidir”, - Şapps “The Telegraph”a açıqlamasında deyib.  Keçmiş nazir Böyük Britaniyanın hazırkı Baş naziri Keir Starmerin heç vaxt Kiyevə səfər etməməsinə təəccübləndiyini deyib.

Qevin Uilyamson isə Ukraynanın gələcəkdə təhlükəsizliyinin NATO və ya Böyük Britaniya kimi beynəlxalq tərəfdaşlar tərəfindən dəstəklənməli olduğu fikrini ifadə edib. O, bunu regionda sabitlik üçün son dərəcə vacib hesab edib. “Ukraynanın təhlükəsizliyini istər NATO, istərsə də Böyük Britaniya kimi ölkələr kənardan dəstəkləyib”, -keçmiş nazir qeyd edib.

Bundan əvvəl Böyük Britaniyanın Baş naziri Keir Starmer Rusiya ilə münaqişə başa çatdıqdan sonra krallığın Ukraynaya sülhməramlılar göndərəcəyi planını irəli sürmüşdü. Britaniya ictimaiyyəti isə bu təklifə mənfi reaksiya vermişdi.

Günay