“Putin görüşmək istəyir..." - Tramp

ABŞ-nin yeni seçilmiş Prezidenti Donald Tramp Rusiya Prezidenti Vladimir Putinin onunla görüşmək istədiyini deyib.

Sfera.az bildirir ki, o, bu barədə Floridadakı Mar-a-Laqo malikanəsində respublikaçı qubernatorlarla görüşdükdən sonra mətbuata qısa açıqlama verib. Tramp açıqlamasında Rusiya-Ukrayna müharibəsinə də toxunub.

“Putin mənimlə görüşmək istəyir, o, bunu açıq şəkildə bəyan edib. Bu görüşü biz təşkil edirik. Ukrayna savaşını bitirmək lazımdır. Bu, çox qanlı müharibədir”, - yeni seçilmiş prezident qeyd edib. Tramp sözügedən görüşün nə vaxt keçiriləcəyi ilə bağlı təfərrüatları açıqlamayıb.

Bundan əvvəl o, prezidentliyə başladıqdan sonra Rusiya-Ukrayna müharibəsini mümkün qədər tez bitirmək istədiyini və bu məqsədlə Putinlə görüşməyə hazır olduğunu bildirmişdi.

Günay