"Ukrayna Kainatın mərkəzi deyil, buna son qoymalıyıq" - Depetris
“Ukrayna münaqişəsi çərçivədən kənara çıxmamalıdır”.
Sfera.az bildirir ki, bu barədə amerikalı köşə yazarı Daniel Depetris “The Financial Times” nəşrində dərc olunan materialında qeyd edib. O bildirib ki, Kiyev özünün kainatın mərkəzi olduğuna inanır.
Yazar ABŞ-ni bununla bağlı dünyanı qorxuya salmamağa çağırıb: “Hərbi sülh nizamlanmasının necə görünəcəyindən və Kiyevin hansı güzəştlərə getməli olacağından asılı olmayaraq, hamımız bu münaqişənin alovlanmasına son qoymalıyıq. Ukrayna Kainatın mərkəzi deyil”, - materialda vurğulanıb.
Daniel Depetris onu da qeyd edib ki, ABŞ bütün düşmənlərinin avtomatik olaraq ona qarşı silahlanacağına inanır: “Belə ritorika tam cəfəngiyyatdır. Hətta ABŞ-nin indi əsas potensial düşmən kimi qəbul etdiyi Çin belə Ukraynaya əhəmiyyət vermir. Münaqişənin necə bitməsindən asılı olmayaraq, Pekin öz planlarına uyğun hərəkət edəcək. Bununla belə, Kiyevin köməyə ehtiyacı var, lakin mülayim bir şəkildə...”.
Bundan əvvəl “The Washington Post”un müəllifləri qeyd etmişdilər ki, Ukrayna münaqişəsi sülh yolu ilə başa çatarsa, o zaman ABŞ-nin nüfuzu sarsılacaq. Ölkənin gələcək rəhbəri Donald Tramp isə 6 ay ərzində Rusiya və Ukrayna arasında qarşıdurmaya son qoyacağını bildirmişdi.
Günay
