Ukraynanın Kursk istiqamətində qəfil hücumu nəyə hesablanıb? - AÇIQLAMA
Ukraynanın Kursk istiqamətində yenidən qəfil əks-həmlələr başlayıb.
Bununla bağlı Sfera.az-a açıqlama verən politoloq Elxan Şahinoğlu deyib ki, hücumlarda iki məqsəd var. Onun sözlərinə görə, bunlardan biri haqqında çox danışılan “masada əlin gücləndirilməsidir”:
“Yəni əgər Ağ Evin yeni sahibi Donald Tramp Rusiya ilə Ukraynanı zorla masada oturmağa məcbur edəcəksə, Kiyev Kursk ərazisində yeni həmlə ilə mümkün danışıqlarda əlini gücləndirmək istəyir. Eləcə də Rusiya Ukraynanın şərqində işğal ərazisini genişləndirməyə çalışmaqla eyni məqsədi güdür”.
Ekspert qeyd etdi ki, digər məqsəd Zelenskinin yeni əks-həmlə ilə Ağ Evdə yerləşməyə hazırlaşan Donald Trampa mesaj göndərməsindən ibarətdir:
“Mesaj təxminən belədir: “Ukraynanın ərazi itkisi hesabına masada oturdulması sizə çətin olacaq. Ukrayna zəif deyil, Rusiya ərazisindəki nəzarət zonasını genişləndirmək imkanımız var, bunu nəzərə almalısınız. Bizə yardımı dayandırsanız, belə işğalla barışan deyilik”” .
Günay
