"Lukaşenko mənə Belarusun "Mozır" zavodunu vurmağı təklif etdi" - Zelenski

Zelenski Belarus Prezidenti Aleksandr Lukaşenkonun Ukrayna müharibəsinin ilk günlərində ondan üzr istədiyini iddia edib. 

Sfera.az bildirir ki, o, Ukrayna müharibəsinin ikinci və ya üçüncü günündə Belarus prezidenti ilə telefon danışığı apardığını bildirib.

“Lukaşenko məndən üzr istədi və dedi: “Bu, mənim günahım deyil. Raketlər mənim ərazimdən buraxılıb, lakin bunu Putin edib. Şahidlərim var, üzr istəyirəm”.

Lukaşenko həmçinin ruslara qarşı döyüşə bilməyəcəyi barədə xəbərdarlıq etdi. Mən isə qarşılığında, “Bu, müharibədir. Belarusdan ərazimizə raket buraxılıb. Buna necə icazə verdiniz?”, deyə soruşdum. Onun cavabı belə oldu:  “Yaxşı, o zaman qisas alın. Mozır Neft Emalı Zavodunu (NEZ) vurun. Bunun nə qədər vacib olduğunu bilirsiniz””.

Qeyd edək ki, Ukrayna lideri bu barədə amerikalı jurnalist Leks Fridmana müsahibəsində danışıb. 

Günay