Postu ilə vidalaşacaq Baydendən QADAĞA - Ciddi maneəyə çevriləcək...
Prezidentlik dövrü başa çatmaqda olan ABŞ-nin dövlət başçısı Co Bayden Sakit okean və Atlantik şelfinin müəyyən ərazilərində yeni neft və qaz quyularının qazılmasına qadağa qoymağa hazırlaşır.
Sfera.az xəbər verir ki, bununla bağlı məlumatı “Bloomberg” dövlət mənbələrinə istinadən açıqlayıb.
“Bloomberg”in əldə etdiyi məlumata görə, yanvarın 6-da Bayden Sakit okean və Atlantik şelfinin müəyyən ərazilərində ümumi sahəsi 2,5 milyon kvadratmetr olan yeni neft və qaz quyularının qazılmasına qadağa qoyacağını elan edəcək.
Mənbələr bildiriblər ki, məhdudiyyətlər onilliklərdir neft hasilatı davam edən Meksikanın mərkəzi və qərb körfəzinə təsir etməyəcək: “Lakin belə bir sərəncam digər ərazilərin inkişafı üçün ciddi maneəyə çevriləcək”.
Bu cür qadağalar 1953-cü ildən tətbiq edilir. Burada məqsəd mərcan riflərini, morjların qidalandığı yerləri və digər ərazilərdəki təbii vəziyyəti qorumaqdır.
Xatırladaq ki, yeni prezident Donald Tramp seçki kampaniyası dövründə ABŞ-də enerji qiymətlərinin endirilməsi üçün hasilatın artırılmasını dəstəkləyəcəyinə dair dəfələrlə bəyanatlar verib. Bu bəyanatlar fonunda Baydenin bəzi ərazilərdə neft və qaz hasilatına məhdudiyyət tətbiq etməyə hazırlaşması maraqla qarşılanıb.
Vasif
