"Putin bu təbriklə həm onları "diriltmək" istəyir, həm də Azərbaycana..." - AÇIQLAMA
Bu gün Rusiya Prezidenti Vladimir Putin Ermənistandan olan keçmiş həmkarları Robert Köçəryan və Serj Sarkisyanı da təbrik edib.
Bu barədə Kremlin mətbuat xidməti məlumat yayıb.
Bununla bağlı Sfera.az-a açıqlama verən politoloq Məhəmməd Əsədullazadə deyib ki, Putinin bu addımı adıçəkilən şəxslərin siyasi aktivliyinin bərpa edilməsinə hesablanıb:
“Hər iki eks-prezident Rusiyanın geosiyasi maraqlarını Ermənistanda inkişaf etdirib və Kremlə sadiq şəxslərdir. Nə Köçaryan, nə də Sarkisyan Rusiya prezidentindən bu təbriki gözləyirdi. Ümumiyyətlə isə, Rusiyanın hərbi kəşfiyyatının agentləri olan hər iki eks-prezidentin yenidən siyasi aktivliyi mümkün görünmür”.
Ekspert bildirdi ki, Ermənistan cəmiyyəti Rusiyanın bu iki şəxsə dəstək verməsinə görə, Nikol Paşinyana daha da etimad edəcəklər:
“Deməli, bu təbrik Paşinyanın “əlinə oynayır”. Hər iki eks-prezident Azərbaycana qarşı müharibəni aparıb. Görünür, Putin bununla Azərbaycana da mesaj verir”.
Günay
