"Paşinyan koronavirusu bəhanə edir, bu, Rusiyanı boykot etməkdir" - ŞƏRH

Bu gün Rusiya Prezidenti Vladimir Putin Sankt-Peterburqda Müstəqil Dövlətlər Birliyinin (MDB) ənənəvi qeyri-rəsmi sammitini keçirir. Ermənistanın Baş naziri Nikol Paşinyan isə koronavirus testinin müsbət çıxması səbəbindən MDB-nin qeyri-rəsmi sammitində iştirak etməyəcəyini bildirib.

Mövzu ilə Sfera.az-a açıqlama verən siyasi ekspert Məhəmməd Əsədullazadə bildirib ki, koronavirusa yoluxduğunu bəhanə edib:

“Bir neçə gün bundan əvvəl, Moskvada Avrasiya ittifaqının sammitində Putin Paşinyanla görüşmədi. Göründüyü kimi, Paşinyan buna cavab olaraq Sankt-Peterburqa verməməklə cavab verdi. Ermənistan Rusiyanın dominant olduğu təşkilatların tədbirlərinə getdikcə qatılmadan imtina edir. KTMT tədbirlərindən imtina edib, MDB boykot edir. Avrasiya İttifaqının sammitinə məhz öz iqtisadi maraqlarını təmin etmək üçün qatılır”. 

Onun sözlərinə görə, Ermənistan Rusiyanın moderator olduğu KTMT, MDB və Avrasiya İttifaqından çıxacaq:

“Bunun üçün ilk növbədə 2026-ci ildə növbəti dəfə seçkilərdə qalib gəldikdən sonra bu addımın atılması mümkündür. Təbii ki, Ermənistan rəhbərliyi ilk növbədə Rusiyanın Ukraynada məğlubiyyətini və Azərbaycanla sülh müqaviləsinin bağlanmasını gözləyir”.

Firuzə Əliyeva