"Avropaya qoşunları Ukraynaya girsin!" - Trampdan MÜHÜM TƏKLİF

ABŞ-nin yeni seçilmiş prezidenti Donald Tramp potensial atəşkəsə nəzarət etmək üçün Avropaya öz qoşunlarını Ukraynaya yerləşdirməyi təklif edib.

Sfera.az xəbər verir ki, bu barədə “Wall Street Journal” rəsmilərə istinadən yazıb.

Belə ki, Tramp dekabrın 7-də Parisdə keçirilən görüşdə Ukrayna Prezidenti Volodimir Zelenski və Fransa Prezidenti Emmanuel Makrona deyib ki, o, Ukraynanın Şimali Atlantika Müqaviləsi Təşkilatına üzvlüyünü dəstəkləmir, lakin güclü, yaxşı silahlanmış Ukrayna görmək istəyir. Tramp bildirib ki, Ukraynanın müdafiəsində və dəstəklənməsində əsas rolu Avropa oynamalıdır. Qəzet yazır ki, ABŞ heç bir əsgərini göndərməsə də, səyləri dəstəkləyə bilər.

Bundan əlavə, Tramp Avropanın Çindən Rusiyaya münaqişəni dayandırması üçün təzyiq göstərməsini istəməsi fikrini ifadə edib. Tərəflər “sövdələşmə vasitəsi” kimi Çinə tariflərin tətbiqini müzakirə ediblər.

Firuzə Əliyeva

Sfera.az