Cənubi Koreya prezidenti xalqından ÜZR İSTƏDİ: "Bir daha olmayacaq"

Cənubi Koreya prezidenti Yun Sok Yol hərbi vəziyyət tətbiq etdiyinə görə xalqından üzr istəyib. 

Sfera.az bildirir ki, o bu barədə televiziyada canlı çıxışı zamanı bildirib.

“Hərəkətlərimə görə dərindən üzr istəyirəm”, -  ölkə başçısı deyib. 

O həmçinin öz hərəkətlərinə görə məsuliyyət daşıyacağına və lazım gələrsə, cəzadan yayınmağa çalışmayacağına söz verib: “Hərbi vəziyyətin elan edilməsi ilə bağlı hərəkətlərə görə siyasi və hüquqi məsuliyyətdən yayınmağa çalışmayacam”.

Yun Sok Yol bir daha hərbi vəziyyət elan etməyəcəyini də vurğulayıb: “İkinci hərbi vəziyyət kimi bir vəziyyət olmayacaq. Yaratdığım narahatlığa görə vətəndaşlardan üzr istəyirəm”.

Qeyd edək ki, prezidentin impiçmenti üzrə səsvermənin dekabrın 7-də keçirilməsi gözlənilir. Bildirilir ki, prezidentin hakimiyyətdən uzaqlaşdırılması üçün deputatların 200 səsi lazımdır. İmpiçment elan edilməsi təklifi parlamentin 191 üzvü tərəfindən irəli sürülüb. 

Günay

Sfera.az