"Əgər Gürcüstanda Qərbin adamı hakimiyyətə gəlsə, Ermənistan sülhdən..." - MÜHÜM AÇIQLAMA

"Ermənistan hakimiyyəti Azərbaycanla sülh müqaviləsi üzrə danışıqlarda gözləmə mövqeyinə keçib". 

Sfera.az bildirir ki, bunu siyasi ekspert Məhəmməd Əsədullazadə deyib.

Onun sözlərinə görə, İrəvan sərhəddə tunellər və mühəndis istehkam işləri aparır:

“Gürcüstanda etiraz aksiyalari və Qərbin burada hökuməti devirmək planı Nikol Paşinyanın Azərbaycanla sülh danışıqlarında belə bir mövqe tutmasına səbəb ola bilər. Avropa İttifaqı, xüsusilə Fransa aktiv şəkildə prezident Salome Zurabişvilinin vasitəsilə Gürcüstanda etiraz aksiyalarını idarə edir. Əgər inqilab olub, Qərb yönümlü siyasi qüvvələr hakimiyyətə gələrsə, Ermənistan hökuməti sülhdən imtina edə bilər. Məhz Ermənistanın silahlanmasını bu kontekstdə dəyərləndirmək olar. Çünki Fransa Gürcüstan vasitəsilə Ermənistana tam həcmdə silahlar göndərəcək. Azərbaycana təzyiqlər etmək üçün Paşinyanın müharibəyə sövq edilməsi istisna deyil”.

Ekspert qeyd etdi ki, Paşinyan siyasi iradə ortaya qoyarsa, Ermənistanı eskalasiyadan kənar tuta və Azərbaycanla sülh müqaviləsinə gedərsə, bunun Fransanın regional siyasətinə zərbə vurması mümkündür:

“Burada qazanan tərəf Ermənistan ola bilər. Azərbaycanla sülh müqaviləsinin bağlanması bu ölkənin Türkiyə ilə normallaşma prosesinə səbəb olacaq. Nəticədə regional inteqrasiyaya cəlb olunmaqla Ermənistanın normal ölkəyə çevrilməsi mümkündür.  İrəvan hərbi təxribatlara əl atarsa, bu, onların yeni ərazilər itirməsinə gətirib çıxara bilər”.

Günay