"Siyasi uydurmadan başqa bir şey deyil" - Makron İNKAR ETDİ
Bu gün Fransa parlamentində müxalifətin Barnier hökumətinə qarşı təqdim etdiyi etimadsızlıq təklifi səsverməyə çıxarılacaq. Lazımi səs çoxluğu (577-dən 289-u) halında votum qəbul olunacaq və hökumət istefaya gedəcək.
Sfera.az bildirir ki, Səudiyyə Ərəbistanına rəsmi səfər edən Emmanuel Makron bununla bağlı jurnalistlərin suallarını cavablandırıb. O iddia edib ki, istefaya çağırışlar “siyasi uydurma”dan başqa bir şey deyil.
“İstefa verməyimin mənası yoxdur. Əgər mən sizin qarşınızdayamsa, bunun səbəbi iki dəfə seçilməyimdir”, - o bildirib. Fransa prezidenti bəyan edib ki, ifrat sağçı Milli Ralli (MN) partiyasının solçu alyansı Yeni Xalq Cəbhəsinin (NFP) hökumətə qarşı təqdim etdiyi etimadsızlıq təklifinə səs verəcəyinə inanmır: “Mən səmimi olaraq düşünmürəm ki, Milli Birlik deputatları onları və seçicilərini təhqir edən etimadsızlıq təklifinə səs verə bilərlər”.
Hökumətin 2025-ci il büdcəsi ilə bağlı müxalifətə jestlər etdiyini müdafiə edən Makron ölkənin maraqlarının partiyalardan kənar bir şey olduğunu vurğulayıb. Ölkə başçısı Sosialist Partiyasının deputatlarının hökumətə qarşı etimadsızlıq təşəbbüsü ilə bağlı münasibətini tənqid edib və vurğulayıb ki, onun prioriteti ölkə üçün sabitliyin təmin edilməsidir.
Qeyd edək ki, Makronun səlahiyyət müddəti 2027-ci il mayın 13-də başa çatır.
Günay
