"Almaniya yalnız bu halda Ukraynaya əsgər göndərə bilər" - XİN başçısından AÇIQLAMA
Almaniya Ukraynaya əsgər göndərə bilər.
Sfera.az xarici mediaya istinadən xəbər verir ki, bunu Almaniyanın xarici işlər naziri Annalena Berbok açıqlayıb. O qeyd edib ki, bunun üçün Moskva və Kiyev arasında razılaşma əldə edilməlidir.
Xarici işlər nazirinin sözlərinə görə, alman əsgərləri yalnız atəşkəs rejiminə nəzarət üçün regionda yerləşdirilə bilər: “Ukrayna ilə Rusiya arasında atəşkəs əldə olunarsa, alman əsgərləri də sülhü təmin etmək üçün istifadə edilə bilər".
Bundan əvvəl Fransanın BMT-dəki hərbi missiyasının keçmiş rəhbəri, general Dominik Trinkvan Ukraynanın təhlükəsizliyi üçün dondurulmuş cəbhə xəttinə Qərb ölkələrinin qoşunlarının yerləşdirilməsini təklif etmişdi. Fransız diplomatdan başqa, Avropa İttifaqının xarici işlər və təhlükəsizlik siyasəti üzrə ali nümayəndəsi Kaja Kallas da Ukraynaya avropalı hərbçilərin göndərilməsini istisna etməyib.
Vasif
Sfera.az
