"Bu, Ukrayna üçün son dərəcə vacibdir" - NATO rəsmisindən MÜHÜM AÇIQLAMA
“NATO Ukraynanı alyansa dəvət etməyi deyil, Kiyevi yalnız silahla təmin etməyi müzakirə edir”.
Sfera.az bildirir ki, bunu NATO-nun baş katibi Mark Rutte blok ölkələrinin xarici işlər nazirlərinin Brüsseldə keçiriləcək görüşü ərəfəsində keçirdiyi mətbuat konfransında deyib.
“Biz bu iki gün də daxil olmaqla, hazırda ehtiyac duyulan şeyə cəmləşməliyik: Ukraynaya hərbi yardımın çatdırılması. Bu onlar üçün son dərəcə vacibdir”, - Rutte bildirib.
Qurum rəsmisi bir daha qeyd edib ki, bütün müttəfiqlər “Ukraynanın gələcəyi NATO-dadır” mövzusunda həmfikirdirlər:
“Vaşinqtonda keçirilən sammitdə müttəfiqlər razılaşıblar ki, Ukraynanın gələcəyi NATO-dadır, həmçinin Ukraynanın NATO-ya gedən yolu dönməzdir”, - o xatırladıb və əlavə edib ki, alyans Kiyevi üzvlüyə yaxınlaşdırmağa çalışır.
“Bu, addım-addım baş verir”, - Rutte bildirib.
Günay
Sfera.az
