"Ukraynanın NATO-ya üzvlüyü Rusiya üçün hərbi təhlükədir" - Lavrov

“Ukraynanın NATO-ya üzvlüyü qəbuledilməzdir”.

Sfera.az bildirir ki, bunu Rusiyanın xarici işlər naziri Sergey Lavrov deyib. O, Rusiyanın belə vəziyyətə yol verməyəcəyini bəyan edib.

Lavrov bildirib ki, Ukrayna böhranının həlli üçün köklü səbəblər aradan qaldırılmalıdır. “Səbəblərdən biri isə NATO-nun şərqə doğru irəliləmək və Ukraynanı özünə çəkmək cəhdidir. Bu, Rusiya sərhədləri üçün hərbi təhlükə yaradır”, - qurum rəsmisi qeyd edib. 

Rusiya və Ukrayna arasında danışıqların bərpası məsələsinə toxunan Lavrov “Ölkəmizin qanuni maraqlarını hərtərəfli nəzərə alaraq Ukrayna ilə danışıqlara hazırıq”, deyib.

Günay