Millət vəkili: "Fransa bölgə ilə bağlı istək və arzularını Ermənistan vasitəsilə həyata keçirməyə çalışır"

“İllərdən bəri erməni diasporunun, lobbisinin əlində marionetə çevrilmiş Fransa, eyni zamanda öz istəklərini, arzularını da elə Ermənistanın əli ilə bölgədə həyata keçirməyə çalışır”.

Sfera.az xəbər verir ki, bunu Milli Məclisin bugünkü plenar iclasında deputat Jalə Əliyeva deyib.

“Fransanın ARTE kanalında “Azərbaycanlılar və türklər iki qardaş xalqlardır və eyni vəhşilikləri törətməyə qadirdirlər” kimi Azərbaycana qarşı böhtan və iftiralarla dolu sənədli film yayımlanıb. Qərbi Azərbaycan icmasının ötən gün bu filmə etiraz olaraq yayımladığı bəyanata qoşularaq demək istəyirəm ki, bu günə kimi bütün dünyada işğalçı siyasət həyata keçirən, öz mənafeləri uğruna digər xalqları qurban verən Fransa kimi bir ölkənin kanalında azərbaycanlılar və türklər əleyhinə gedən böhtan və iftiralarla dolu sənədli film bir daha bu ölkənin qərəzli siyasətini, Azərbaycana, Türkiyəyə, türk dünyasına qarşı həzmsizlik siyasətini ortaya qoyur.  Əslində bu sənədli film illərdən bəri Azərbaycanın həqiqətlərini görməzdən gələn, bu gün Azərbaycanın bölgədə və dünyada sülh yaratma missiyasını, sülh və əminamanlıq üçün həyata keçirtdiyi siyasəti həzm edə bilməyənlərin özünün vəhşi xislətini ortaya qoyur, - millət vəkili bildirib.

Firuzə Əliyeva